Kev Pab Txhais Lus
Nws tseemceeb uas koj nyob tau koj tus kws khomob tham yoojyim.
Nws muaj cov kws khomob hauv peb lub network uas hais tau lwm yam lus dua li lus Askiv.
Koj nrhiav tau cov kev qhia txog tej no hauv Phau Ntawv Teev Cov Kws Khomob lossis los ntawm kev hu mus rau peb lub Chaw Pabcuam Tswvcuab. Tej zaum tus kws khomob yog tus uas hais tau lwm yam lus. Lossis tej zaum nws yuav yog lwm tus hauv tus kws khomob lub chaw ua haujlwm uas hais tau lwm yam lus. Koj hu tau mus rau lawv chaw ua haujlwm thiab mus nug lawv.
Yog koj muaj teebmeem nrog koj tus kws khomob tham vim koj hais lwm yam lus, peb yuav pab tau koj.
Koj tsis yuavtsum tau siv tsevneeg lossis cov phoojywg los pab txhais lus rau koj. Koj tus kws khomob hu tau rau ib tus xovtooj uas yuav muaj neeg los pab txhais lus rau koj. Thiab koj thiab koj tus kws khomob mam sib tham los ntawm kev siv tus neeg txhais lus ntawd. Koj yuav tsis tau them rau txoj kev pab no.
Yog tias koj xav tau ib tus neeg pab txhais lus, qhia rau koj tus kws khomob lub chaw ua haujlwm paub thaum koj hu mus teem sijhawm mus ntsib nws. Qhia lawv pab tias koj hais tau yam lus dabtsi.
Koj tus uas yog Alliance tus tswvcuab, muaj cai tau txais cov kev pabcuam dawb no:
- Kev pab txhais lus ua koj yam lus los los nrog koj:
- tus kws khomob tham
- lwm tus neeg muab kev khomob tham
- txoj kev npaj khomob tham
- Muaj kev pab txhais ntawv thiab cov ntawv uas xa tuaj uas hais txog koj txoj kev khomob ua ntawv Mev. Peb tseem pab tau kom koj totaub txog cov ntawv no yog tias koj hais lwm yam lus.
Feem ntau peb siv cov neeg txhais lus hauv xovtooj. Peb yuav hu ib tus neeg tuaj pab txhais lus rau tej yam tshwjxeeb. Koj yuavtsum tau kev tsocai los ntawm lub Alliance thiaj thov tau neeg tuaj pab txhais lus.
Yog xav tau neeg pab txhais lus lossis xav tau kev totaub txog tej ntawv uas peb xa tuaj rau koj, thov hu rau peb lub Chaw Pabcuam Tswvcuab ntawm 1-800-700-3874, ext. 5513. Yog koj tsis hnov lus zoo lossis hais tsi tau lus, thov hu rau peb tus xovtooj TTY ntawm 1-877-548-0857. Koj hu tau rau peb Monday - Friday, 8:00 am - 5:00 pm.