Cov Kev Qhia Kev Nojqab Haushuv

Lub Alliance muaj ntau txoj kev los pab kom cov tswvcuab muaj kev nojqab haushuv. Hu tuaj rau peb txog cov kev pab tshwjxeeb hauv qab no lossis tuaj thov daim ntawv qhia txog qee yam kev mob nkeeg. Yog xav paub ntxiv, xa email lossis hu rau Phab Qhia Kev Nojqab Haushuv tus Xovtooj ntawm (800) 700-3874 ext. 5580.

Kev Qhia txog Kev Mob Hawbpob

Nws qhia cov tswvcuab thiab cov niamtxiv txog kev tswj kev mob hawbpob. Kawm kev txo kom tsis txhob mob hawbpob thiab txoj kev siv thiab noj tshuaj uas zoo tshaj.

Kev Txhawb Kev Pub Niam Mis

Pab cov uas yog niam tshiab kom txhawj pub niammis. Peb tseem kam them rau cov tshuab nqus mis rau cov leej niam uas yuav cov mus ua haujlwm lossis mus kawm ntawv.

Kev Qhia txog Ntshav Qabzib

Nws qhia cov tswvcuab txog kev tswj lawv cov ntshav qabzib. Kawm txog kev suabthaj hauv cov ntshav thiab kev noj tshuaj. Thiab kawm txog qhov uas noj tej zaubmov zoo, tawm dagzog, thiab txo kev nyuaj siab yuav pab kom koj muaj kev nojqab haushuv.

Txo Kev Mus Khomob hauv Chav Khomob Xwmtxheej Ceev

Nws qhia cov tswvcuab txog kev txo kev mus khomob hauv chaw khomob xwmtxheej ceev thaum ua tau. Kawm kom paub tias yuav tau ua licas thaum koj tus menyuam muaj mob. Xyaum tswj tus mob uas niajhnub mob kom muaj kev nojqab haushuv.

Qhia txog Kev Txhaj Tshuaj Tivthaiv (IZ)

Nquahu kom cov niamtxiv coj lawv cov menyuam mus txhaj txhua koob tshuaj tivthqaiv. Nws qhov no mus xyuas cov hnub nyoog uas yuav tau txhaj cov tshuaj tivthaiv hauv lub Centers for Disease Control (CDC) lub website.

Chaw Ceev Kev Txhaj Tshuaj Tivthaiv (IZ)

Lub chaw ceev kev txhaj tshuaj tivthaiv ua rau nws yoojyim rau koj tus kws khomob lossis lub tsev khomob paub tias koj tus menyuam txhaj tas koob tshuaj tivthaiv twg lawm. Nws tseem yuav yoojyim rau koj mus nqa koj tus menyuam daim ntawv teev cov tshuaj tivthaiv (ntawv daj) los rau tsev kawm ntawv lossis chaw zov menyuam. Nias qhov no mus xyuas daim ntawv uas peb tau xa tuaj rau lub Alliance cov tswvcuab. Nias qhov no mus nyeem ntxiv txog lub chaw ceev cov kev txhaj tshuaj tivthaiv.

Zaubmov thiab Kev Hnyav

Nws qhia cov tswvcuab kom paub noj tej zaubmov zoo kom muaj kev nojqab haushuv. Nug peb txog cov kev tawm dagzog thiab ua kom poob phaus uas yog dawb lossi tau them nqi tsawg hauv koj lub cheebtsam. Lossis thov lub tshuab tsuas kev mus kev lossis daim video qhia kev tawm dagzog dawb.

Kev Xeebtub

Nquahu kom cov pojniam xeebtub ntxov mus kuaj menyuam hauv plab thiab rov mus kuaj tomqab yug menyuam tas. Tau txais ib daim $20 gift card yog koj rov mus ntsib kws khomob li 21 rau 56 hnub tomqab uas yug menyuam tas.

Kev Thum Luamyeeb

Pab cov tswvcuab thum luamyeeb los ntawm kev xa mus rau kev pab tawm tswvyim pub dawb hauv xovtooj. Peb tseem pab nrhiav tau ib hoob thum luamyeeb hauv koj lub cheebtsam rau koj. Yog koj muaj lub Alliance ua koj lub thawj fajseeb, peb yuav them rau koj kev mus kawm hoob no. Qhov no siv tau ib zaug nkaus xwb. Peb tseem kam them rau cov khoom siv pab thum luamyeeb xwsli Zyban lossis nicotine gum lossis cov ntaub lo.

Kho Cov Hluas! (Teen Tune-Up!)

Txhawb cov kev mus kuaj raws sijhawm txhua xyoo rau cov menyuam hnub nyoog 12 rau 21 xyoos. Cov hluas yuav tau txais movie passes dawb lossis gift cards rau lawv kev mus kuaj raws sijhawm txhua xyoo. Lawv tseem yuav muaj kev rho npe saib leejtwg yuav yeej ib lub mountain bike, ntsuas-phoo, thiab helmet. Nias qhov no mus luam daim ntawv uas lus Askiv. Nias qhov no mus luam daim ntawv ua lus Mev.

Pojniam Kev Nojqab Haushuv

Nquahu kom cov pojniam niaj zaus mus kuaj cancer hauv chaw xis thiab hauv mis.